Առաջադրանք 8-րդ դասարան,
Համաշխարհային պատմություն
Լուսավորյալ արքաների դարաշրջան
- Ովքեր էին լուսավորյալ միապետները, ինչու էին այդպես անվանում:
- Մանրամասն ներկայացրու լուսավորյալ արքաների կատարած գործերը, հիմնավորիր դրանց նշանակությունը /Ֆրիդրիխ 2-րդ, Եկատերինա 2-րդ,Յոզեֆ 2-րդ,…/:
- Համեմատիր լուսավորական շարժման գործիչների և լուսավորյալ արքաների նպատակները:
- Ապացուցիր կամ հերքի այն տեսակետը, որ լուսավորական շարժումը համամարդկային երևույթ չէ:Ստորև ներկայացնում ենք Եկատերինա կայսրուհու ցուցումներից մի քանիսը:Քո կարծիքով որքանով են դրանք արդիական/15-20 նախադասությամբ կարծիքդ հիմնավորիր/:
- Չարգելել երեխաներին խաղալ, պետք է խաղան՝ որքան ուզում են, քանզի խաղի մեջ նրանց բացարձակ ազատություն տալով` կարող եք շատ բան իմանալ վերջիններիս հակումների և ցանկությունների մասին:
- Դաստիարակները պետք է համբերությամբ լսեն երեխաներին, ինչպես նաև նրանց միջև խոսակցությունները, ապա վերլուծեն և քննարկեն դրանք։
- Պետք է արմատախիլ անել սուտն ու խաբեությունը՝ ինչպես՝ երեխաների, այնպես էլ՝ նրանց շրջապատողների մոտ:
- Հեռու պահել երեխաներին վատ և արատավոր երևույթներից։
- Անընդհատ նկատողություն չանել մռայլ տեսքով և ձայնով, այլ ընդհակառակը, գովել բոլորի ներկայությամբ, եթե նրանք արժանացել են այդ գովեստին:
- Թույլ մի տվեք, որ բղավոցներով և լացով երեխաները հասնեն իրենց ուզածին:
- Չպարտադրել սովորել և չսովորելու համար չպատժել: Լավ սովորելու դեպքում՝ գովել:
- Պետք է խրախուսել երեխաների հետաքրքրասիրությունը, երեխաների տված հարցերը լսել համբերությամբ և անպայման ճիշտ պատասխաններ տալ:
- Ձեր երեխաների մեջ ուսման և գիտելիք նկատմամբ սեր սերմանեք Ձեր իսկ օրինակով:
- Լեզուներ սովորեցնելու ավելի արդյունավետ տարբերակ չկա, քան նրանց հետ այդ լեզուներով խոսելը:
- Արգելվում է երեխաներին ստիպել ինչ-որ բան անգիր անել: Դա հիշողությունը չի լավացնում:
- Վախ ներշնչելով` չեն սովորեցնում, քանզի դողացող ձեռքով գրել չի լինի:
- Երեխաներին խաղից կտրելու լավ եղանակ կա. ստիպել նրան օրական մի քանի ժամ նույն խաղալիքով խաղալ:
Աղբյուրներ՝ Համաշխարհային պատմություն 8-րդ դասարան
http://5fan.ru/wievjob.php?id=7505 Լուսավորականության հիմնական գաղափարախոսությունը
http://www.krugosvet.ru/enc/istoriya/EPOHA_PROSVESHCHENIYA.html Լուսավորականության դարշրջան
Ստելլա Մնացականյան 