Գարնանային մանկավարժական ճամբարային մեր օրերը լեցուն են բազմապիսի քննարկումներով, պարտիզապուրակային, նախագծային աշխատանքներով:
Մանկավարժական ճամբարի մեր բոլոր օրերը սկսվում են Մարմարյա սրահում՝ առավոտյան ընդհանուր պարապմունքով, որտեղ մանկավարժները օրը սկսում են երգով ու պարով:
Օրը շարունակեցինք Միջին դպրոցի մանկավարժական խորհուրդի քննարկումներով, անդրադարձանք Ապրիլյան օրացույցին՝ առավոտյան ընդհանուր պարապմունքի կազմակերպման, անցկացման և այլ ընթացիկ հարցերի շուրջ տեսակետներ փոխանակելով:
Քննարկման թեմաները
Օրը շարունակեցինք պարտիզապուրակային աշխատանքներով, այդ աշխատանքներին ներգրավվել էին նաև «Մուտք Միջին դպրոց » սովորողները Քնարիկ Մելքոնյանի հետ միասին:
«Մուտք Միջին դպրոցի» սովորողները իրենց գործունեությունը շարունակեցին « Ուրախ լեզվագործունեություն» նախագծի շրջանակում մայրենիի դասավանդող Տաթև Աբրահամյանի, ռուսերենի դասավանդող Անի Ավետիսյանի հետ:
ժամը 12.00-12.20 մանկավարժական խորհուրդով ևս մեկ հավաք-քննարկում ունեցանք ուրբաթ օրվա աշխատանքների կազմակերպման շուրջ:
Մանկավարժները ժամը 13.00-14.00 շարունակեցին իրենց գործունեությունը նախագծային խմբերով:
Մանկավարժական ճամբարի հագեցած օրն սկսվեց և ավարտվեց Մարմարյա սրահում ՝համերգով:
Ստելլա Մնացականյան 