Մարդկության պատմության մեջ լինում են ճակատագրական պահեր, երբ պատմական փորձը, ժողովրդական-մարդկային իմաստությունն ու գերմարդկային խիզախումը լուսավորում են ժամանակն ու տարածությունը: Այսպիսի պահերին են լուծվում սովորական պայմաններում անլուծելի թվացող հարցերը. անկիզբ ու անվախճան ճանապարհը՝ անցյալի, այսօրվա ու գալիքի ընդգրկումներով:
Ժամանակացույց -Նախագծի իրականացման ժամկետը՝ շուրջտարյա
Նախագիծը իրականացվելու է «Մխիթար Սեբաստացի» կրթահամալիրի միջին դպրոցի սովորողների հետ, այն նաև համագործակցային է այլ առարկաների հետ/ մայրենի, տեխնոլոգիայի, երգ ու պար/
Նախագծի վերնագիր և նպատակ-Հերոսապատում-անցյալում և արդի
Նախագծի նպատակը-Մարդկության պատմության մեջ լինում են ճակատագրական պահեր, երբ պատմական փորձը, ժողովրդական-մարդկային իմաստությունն ու գերմարդկային խիզախումը լուսավորում են ժամանակն ու տարածությունը: Այսպիսի պահերին են լուծվում սովորական պայմաններում անլուծելի թվացող հարցերը. անկիզբ ու անվախճան մի ճանապարհ՝ անցյալի, այսօրվա ու գալիքի ընդգրկումներով:Սովորողների հետ միասին փորձենք ուսումնասիրել կոնկրետ ժամանակի, կոնկրետ վայրում, կոնկրետ իրադարձությունները, հերոսացած անհատներին ու իրենց հետագա երբեմն ոչ հերոսական վախճանը, փնտրենք դաշնակիցներ թշնամիների մեջ, թշնամիներ դաշնակիցների մեջ:
Ուսումնասիրվում են հետևյալ հերոսամարտերը
- Սարդարապատի հերոսամարտ
- Մուսա լեռան հերոսամարտ
- Զեյթունի հերոսամարտ
- Բաշ-Ապարանի, Ղարաքիլիսայի հերոսամարտեր
- Վանի հերոսամարտ
- Արցախյան հերոսամարտ
3.Հետազոտությունն անդրադառնալու է հետևյալ հարցերին
- տալ պատերազմ, ճակատամարտ, ազատագրական պայքար, հերոսամարտ հասկացությունների պարզաբանումը
- ընտրել հերոսամարտը, գտնել նրա աշխարհագրական դիրքը, նկարագրել հաշվի առնելով նրա դիրքը
- ներկայացնել տվյալ հերոսամարտի նախադրյալները, նպատակը, պատմել ընթացքի մասին
- գտնել այդ ժամանակվա հերոսներին, դուրս գրել նրանց ուղերձները, հասարակական գործիչների , գրողների նամակները
- հոգևորականության դերը մեր հերոսամարտերի ընթացքում
- տվյալ ժամանակաշրջանին բնորոշ զենքերի, զինամթերքների ուսումնասիրություն
- հարաբերությունները մեր թշնամիների, դաշնակիցների հետ
- բացահայտել ժառանգների հուշերում թաքնված պատմություններ, արդյոք այդ պատմությունները պատմվում են նորովի
Տարիներ անց/անդրադարձ/
- Ինչ հուշակոթողներ կան նվիրված այդ հերոսամարտերին:Արդյո՞ք այդ հուշակոթողները ճարտարապետական և մշակութային արժեք ներկայացնու՞մ են: Ի՞նչ քայլեր են արվում դրանց պահպանության ուղղությամբ
- տեղանքների փոփոխություն, մարդկանց տեղաշարժ
- Փոփոխվել են արդյոք մեր դաշնակիցներն ու թշնամիները, սահմանակից պետությունները
- Տալ 5-10 նոր հասկացությունների պարզաբանում
.Մեթոդաբանություն
Այս աշխատանքի շրջանակում առկա ուսումնասիրական աշխատանքներին զուգահեռ նախատեսված էր խնդիրների վերհանման այլ գործողություններ։ Դրանք էին քննարկումները կոնկրետ մասնագետների ներկայացուցիչների հետ, ինչպես նաև հետազոտությունը իրականացվելու է բանավոր պատմության հարցազրույցների միջոցով:
- բանահավաքություն, համագործակցություն տեղի հասակակիցների հետ
- հանդիպումներ կոնկրետ մասնագետների հետ
- ճամփորդություններ
- տարածաշրջանային բնորոշ երգը, պարը, բնորոշ կերակուրը
- Մարդու կյանքի, իրական պատմության հիման վրա ստեղծել բանավոր պատմություն, պատմության զգացողություն
Արդյունքներ
Դաշտային հետազոտական աշխատանքի ժամանակ գրի առնված պատմությունները, դիտարկումները և դրանց վերլուծությունը, թույլ կտա առաջադրված թեմային անդրադառնալ ինչպես միկրոմակարդակի ուսումնասիրության տեսանկյունից, այնպես էլ խնդիրը դուրս բերել ավելի լայն հետազոտության դաշտ:
Արդյունքում կունենանք
Ֆոտոշարք, աուդիոնյութեր, տեսաֆիլմեր, փոքրիկ ներկայացում, պատումներ բլոգներում, քարտեզներ