Posted in Առարկայական ծրագիր

Պատմություն. 8-րդ դասարան, առարկայական ծրագիր, 2020-2021

Պատմություն.առարկայական ծրագիր

Ժամաքանակը՝ շաբաթական 2 ժամ

Իրավիճակի նկարագրություն-Նախորդ ուսումնական տարին, արտակարգ իրավիճակից ելնելով, ավարտեցինք հեռավար հարթակում, սովորողները տարատեսակ իրենց դրսևորեցին  այդ հարթակում. այս տարի շարունակելու ենք մեր ձեռք բերած կարողությունների զարգացումը՝ աստիճանաբար այն դարձնելով հմտություն:

Արտակարգ ուսումնական տարի-Արդի շրջանում, համաճարակային իրավիճակից ելնելով, դասերը կազմակերպվում են հաստատված ուղեցույցի սկզբունքով (մինչև համաճարակի ավարտը)

  • առկա ուսումնառություն
  • ուսումնառություն ընտանեկան (ինքնակրթության) դպրոցում
  • առկա և ընտանեկան դպրոցում ուսումնառությունների համադրում
  • հեռավար ուսուցում
  • Անկախ սովորողի ուսումնառության ընտրած ձևից, բովանդակությունը, ծրագիրը նույնն է, դասավանդողը՝ իրականացնում է աշխատանքը անհատական մոտեցում ցուցաբերելով, հաշվի առնելով սովորողի անհատական ուսումնական պլանը:

«Պատմություն» առարկայի դասավանդման  նպատակը ազգային ինքնագիտակցություն , պատասխանատվություն , պատմական կրադարձությունների պատճառահետևանքային կապերի բացահայտում, պատմական օրինաչափությունների ուսումնասիրություն, անցյալի նկատմամբ հետազոտական-ստեղծագործական մոտեցում ունեցող քաղաքացու ձևավորումն է:

Հիմնական խնդիրներն են՝

  • սովորողների բանավոր, գրավոր խոսքում պատմական բառապաշարի զարգացման հմտությունների ապահովում
  • սովորողների ստեղծագործական մտածողության զարգացման արդյունքում պատմական անցյալի վերստեղծան հմտությունների ապահովում
  • սահմանումների ձևակերպումների, հիմնավորելու, ապացուցելու, հետազոտելու կարողությունների, հմտությունների ձևավորում, զարգացում
  • հետազոտական աշխատանքների զարգացում
  • պատմական երևույթների, իրադարձությունների պատճառահետևանքային կապերի բացահայտում
  • սովորողների քննադատական մտածողության զարգացում
  • անհատական, խմբային աշխատանքների կազմակերպում
  • սովորողների համագործակցային կարողությունների ձեռքբերում
  • իմացածը ամբողջացնելու, սովորածը կիրառելու հմտություն
  • ինքնակրթության միջավայրի ստեղծում
  • համեմատելու, համադրելու, գնահատելու կարողության
  • նախագծային աշխատանքների հետևողական կատարելու կարողություն
  • համացանցային տեղեկատվական դաշտում կողմնորոշվելու  կարողություն
  • տեղեկատվական աբյուրներից օգտվելու հմտության զարգացում

Ուսուցման կազմակերպումը

  • Ուսումնական պարապմունքի ծրագիրը հրապարակվում է մինչև պարապմունքը սկսելը: Ուսուցումն իրականացվում է նաև կրթահամալիրի ուսումնական օրացուցից բխող ուսումնական նախագծերի միջոցով : Սովորողները կարող են հանդես գալ անհատական նախագծերով:
  • Ուսումնական ճամփորդությունները
  • Ուսուցումն իրականացվում է թվային միջոցների կիրառմամբ: Ուսումնական գործունեության ընթացքում սովորողների խումբն դասավանդողի հետ ստեղծում է ուսումնական նյութեր, տեսանյութեր և այլն:
  • Բանավոր աշխատանքները, քննարկումները նպաստում են,որ սովորողը կարողանա անկաշկանդ միտք ձևակերպել, խոսել:
  • Խրախուսվում է սովորողի ինքնուրույնությունը, երբ սովորողն ինքն է առաջարկում  հետաքրքիր նախագիծ կամ ինքնուրույն հետազոտական աշխատանք է կատարում:
  • Սովորողը կատարում է ուսումնական աշխատանք , որի հիմնական նպատակը սովորողի ինքնարտահայտման կարողության ձևավորումն է: Սովորողը արտահայտվում է, վերլուծում է, գրավոր մեկնաբանում է, ներկայացնում է իր մտքերը, գաղափարները, թարգմանությունները, որոնք տեսանելի են դառնում անձնական բլոգում կամ mskh.am կայքում: Սովորողը մեդիահմտությունների կիրառման միջոցով իր խոսքը, վերլուծությունները, հետազոտական աշխատանքները հրապարակում, հանրայնացնում է:
  • Ուսումնական աշխատանքը կազմակերպելիս դասավանդողն օգտագործում  է տարբեր ուսումնական կայքեր, անձնական բլոգ, էլեկտրոնային գրադարաններ, համացանցային այլ ռեսուրսներ, տեսանյութեր և այլն:
  • Ուսումնական նյութեր ընտրելիս և հանձնարարելիս դասավանդողը հաշվի է առնում նաև սովորողի ընդունակությունները և նախասիրությունները:
  • կազմակերպվում է նաև հեռավար ուսուցում, որտեղ մեծ նշանակություն են ունենում ընտանեկան նախագծերը, ուսուցիչը դառնում է խորհրդատու, ծնողը ՝ուսուցիչ:
  • Ուսուցումը կազմակերպվում է թվային միջոցների կիրառմամբ, ուսումնական և անհատական նախագծերով: Սովորողները դպրոց են գալիս անձնական նեթբուք- նոթբուքերով:
  • Ուսուցման ընթացքում միայն դասագիրքը չի հանդիսանում ուսուցման աղբյուր, օգտագործվում են տարբեր ուսումնական կայքեր, այլ աղբյուրներ…

Ուսումնական միջավայր Ուսումնական միջավայրը  ոչ միայն դասասենյակն է , այլ նաև դպրոցի բակը, թանգարանը, քաղաքը, փողոցը, մոտակա այգին, հայրենագիտական ճամփորդությունները, տեսարժան վայրը, սովորողի անձնական բլոգը, կրթահամալիրի կայքը, ենթակայքը և այլն: Առարկայի դասավանդման ընթացքում կիրառում ենք մի շարք մոնտաժային և ուսումնական ծրագրեր:  Սովորողը պետք է արդեն իսկ տիրապետի մի շարք համակարգչային ծրագրերի և տարվա ընթացքում սովորի նորերը՝ կիրառելով դասապրոցեսում:

Ուսումնական գործունեության ձևեր

  • թարգմանություններ
  • ֆիլմերի, կայքի նյութերի ստեղծում, դիտում, քննարկում
  • փոդքասթերի ստեղծում, հարցազրույցներ տարբեր թեմաներով
  • ուսումնական ՏՎ-ներ
  • բանավեճերի կազմակերպում
  • առցանց դասեր և քննարկումներ
  • անհատական և խմբային նախագծեր

Բլոգավարություն-8-րդ դասարանի սովորողը շարունակում են աշխատել իրենց բլոգներում, որոնք պետք է համապատասխանեն սովորողի բլոգին ներկայացվող պահանջներին: Բլոգում պետք է տեսանելի լինեն հետևյալ կետերը՝

  • սովորողի կողմից կատարված առաջադրանքները
  • սովորողի պատրաստած նյութերը՝ ֆիլմեր, հարցազրույցներ, թարգմանություններ, վերլուծություններ, հետազոտական աշխատանքներ
  • անհատական նախագծերի արդյունքները
  • Սովորողը բլոգում պետք է հնարավորինս  պահպանի հեղինակային իրավունքի նորմերը

Բովանդակություն

Առարկայի բովանդակությունը

  1. Բագրատունյաց Հայաստան – 4 ժամ
  2. Հայկական ռազմական ուժերի պայքարը օտար նվաճողների դեմ XI – XIV դարերում – 2 ժամ
  3. Հայկական պետականությունը Կիլիկիայում – 4 ժամ
  4. Հայկական մշակույթը X – XIV դարերում – 2 ժամ
  5. Հայաստանը ուշ միջնադարում – 4 ժամ
  6. Արդյունաբերական հասարակությունը և նրա զարգացման շրջափուլերը – 2 ժամ
  7. Արմատական տեղաշարժեր եվրոպական տնտեսության մեջ – 2 ժամ
  8. Արդյունաբերական զարգացման արդյունքները – 2 ժամ
  9. Լուսավորության դարաշրջանը – 2 ժամ
  10. Հեղափոխությունների դարաշրջան – 8 ժամ
  • Նիդեռլանդական հեղափոխություն – 2 ժամ
  • Անգլիական հեղափոխություն – 2 ժամ
  • Ամերիկյան հեղափոխություն – 2 ժամ
  • Ֆրանսիական հեղափոխություն – 2 ժամ
  1. Ձմեռային ճամբար
  2. Ազատագրական պայքարը Սյունիքում և Արցախում – 2 ժամ
  3. Հայաստանը XIX դարի I կեսին – 2 ժամ
  4. Նապոլեոնյան դարաշրջան — 2 ժամ
  5. Հետնապոլեոնյան Եվրոպայի XIX դարը – 2 ժամ
  6. Արևելքի ավանդական հասարակությունները նոր ժամանակներում – 4 ժամ
  7. Հայաստանը XIX դարի II կեսին և XX դարի սկզբին – 8 ժամ
  • Հայաստանը Ռուսաստանյան և օսմանյան կայսրությունների կազմում – 2 ժամ
  • Հայ ազգային –հասարակական շարժումները – 2 ժամ
  • Հայկական հարց – 2 ժամ
  • Ազգային-ազատագրական պայքարը XIX դարի II կեսին և XX դարի սկզբին – 2 ժամ
  1. Արդյունաբերական հասարակության II շրջափուլի սոցիալ-տնտեսական և գաղափարա-քաղաքական փոփոխությունները – 2 ժամ
  2. Հասարակական-քաղաքական շարժումները Եվրոպայում և ԱՄՆ-ում նոր ժամանակների ավարտին – 2 ժամ
  3. Ազգային հիմնախնդիր և ազգային պետություններ – 2 ժամ
  4. Արևելյան հասարակությունների արդիականացման փորձերը – 2 ժամ
  5. Նոր ժամանակների համաշխարհային մշակույթը – 2 ժամ
  6. Նոր ժամանակների հայկական մշակույթը – 2 ժամ
  7. Աշխարհը աշխարհամարտի շեմին – 2 ժամ
  8. Ամառային ճամբար

Գնահատում Սովորողի ուսումնական աշխատանքի գնահատումը կատարվում է ըստ հեղինակայինկրթական ծրագրի չափորոշչով որոշված  գնահատման կարգի,  10 միավորանոց համակարգի:Սովորողը ցանկության և հնարավորության դեպքում կարող է գնահատականը փոխել:  Սովորողի գնահատականը պատմությունից արտացոլում է նրա և՛ բանավոր խոսքը, և՛հետազոտական աշխատանքները,  և՛ բլոգային աշխատանքը:Դասավանդողըը գնահատում է սովորողի աշխատանքը նախատեսված առաջադրանքի կատարմանը սովորողի մասնակցության աստիճանով:  Բացակայած սովորողը առաջադրանքը կատարում է էլեկտրոնային տարբերակով:

Գնահատում (10 բալանոց համակարգով)

  1. Պարտադիր դասարանական բանավոր աշխատանք – 2-6 բալ
  2. Պարտադիր դասարանական գրավոր աշխատանք1-2 բալ
  3. Կամավոր տնային աշխատանք – 1-3 բալ
  4. Նախագծային աշխատանք – 1-3 բալ
  5. Հետազոտական աշխատանք/կարևորվում է սեփական կարծիքի ձևակերպումը, օտարալեզու աղբյուրների գործածությունը, քանակը, որակը/ – 2-4 բալ
  6. Թարգմանություններ-2-4 բալ/1 էջը Arial Unicode14 ձևաչափով)
  7. Բալերի ավելացման դեպքում , հավելյալ բալերի օգտագործման նպատակները քննարկվում է սովորողի հետ
  8. Խրախուսվում է սովորողի ինքնագնահատումը, որը հիմք կարող է հանդիսանալ ուսուցչի գնահատման համար: Յուրաքանչյուր ամսվա վերջում դասավանդողը ներկայացնում է google forum փաստաթղթով հավաքված առաջադրանքների, նախագծային աշխատանքների փաթեթ, ուր ամփոփում է ամբողջ ամսվա աշխատանքները: Սովորողը իր բլոգում կատարված առաջադրանքների հղումների արդյունքում փաստաթղթում է հավաքում իր աշխատանքները, վերլուծում, ինքնուրույն գնահատում իր աշխատանքը:  Սա հնարավորություն է տալիս ամբողջական աշխատանքների փաթեթ ունենալ, որը տեսանելի է թե՛ սովորողին, թե՛ ուսուցչին, թե՛ ծնողին:Այս մոտեցումը օգնում է սովորողին հստակ տեսնել սեփական աշխատանքը և տալ անկախ գնահատական:

Թողնել պատասխան

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Փոխել )

Twitter picture

You are commenting using your Twitter account. Log Out /  Փոխել )

Facebook photo

You are commenting using your Facebook account. Log Out /  Փոխել )

Connecting to %s