Հունվարյան ճամբար, նախագծեր

Հունվար ամսվա ընթացքում նախատեսում ենք իրականացնել հետևյալ նախագծերը.

Այս ճամբարի ընթացքում աշխատում եմ հիմնականում 7-5 դասարանի սովորողների հետ՝ ամենաչարաճճի, սակայն ամենահետաքրքիր, աշխատասեր սովորողներ: Իրար լավ գիտենք,արդեն երկու տարի է միասին ենք աշխատում:
Առաջին հերթին միասին քննարկեցինք և կազմեցինք մեր ճամբարային նախագծերը, ներկայացրինք, թե ինչ ենք ուզում անել: Նախագծեր, որոնց անդրադարձել ենք;

Ազգագրական նախագծեր

«Գյումրին ազգային մշակութային կենտրոն»/նախապատրաստական աշխատանք դեպի Գյումրի/

« Հայաստանում ապրող ազգային փոքրամասնություն կազմող էթնիկ խմբերը/ եզդիներ, հրեաներ, ասորիներ, մոլոկաններ….»

Ամսագրի ստեղծում

Մարկ Հովհաննիսյան, 7-5 դասարան, անհատական նախաձեռնություն, «Mskh news»-ի ստեղծում
Նոր պատմահանրամատչելի ամսագրի ստեղծում-թարգմանություններ, ռադիոնյութեր, տեսաֆիլմեր-

Թարգմանություններ

Արինա Ազնաուրյան, 7-5 դասարան,«Երրորդ համաշխարհային պատերազմը չի լինելու», «Հրդեհներ Ավստրալիայում», «Ջրհեղեղներ Հունաստանում»
Սեդա Մարգարյան, 7-5 դասարան, «Պատուհանի ապակիների պատմությունը»,
Անդրե Վիրաբյան, 7-5 դասարան, «Արքիմեդ»
Մարիա Ազնաուրյան, 7-5 դասարան,«Ինչը փչացրեց գերմանական «Բարբարոսայի» պլանը»
Գոռ Մնացականյան,7-5 դասարան, «Նապաստակն ու ոզնիները»

Ընթերցել ենք և՛ սովորողների նախաձեռնությամբ, և՛ կրթահամալիրի գրադարանում:

Ճամբարում միշտ էլ կարևոր տեղ ունեն խաղերը. էլ ինչ ճամբար, առանց խաղ: Յուրաքանրյուր օր մեկ ժամ տրամադրել ենք խաղերին, ամեն անգամ նոր խաղեր մտածելով, կամ փոփոխելով հին խաղերը: Այստեղից առաջացավ «Ուսումնական խաղերի» /Պատմական խաղերի ստեղծում-Սեդա Մարգարյան, 7-5դասարան, “Ով է ուզում դառնալ միլիոնատեր“/փաթեթ ստեղծելու նոր նախագիծ. ստեղծել մի փաթեթ, որտեղ հավաքված կլինեն տարվա ընթացքում մեր խաղացած և հորինած խաղերը: Դրանց մեծ մասն էլ օգտակար կլինի նաև ուսումնական ճամփորդությունների ժամանակ: Որպես շարունակություն, վիկտորինաներ կազմակերպեցինք 8-6 ջոկատի հետ:

Խաղարկային դատարան/թեման ընտրում է ջոկատը/

Ճամփորդություններ, ստուգատեսներ

Ճամփորդեցինք Գյումրի: Քանի որ նպատակ ունեինք մասնակցել ազգագրական փառատոնին, այցելեցինք դարբնոց Գյումրիում, ծանոթացանք արհեստին, զրուցեցինք, գործնական մասնակցեցին որոշ աշխատանքների, արդյունքը ներկայացրինք ազգագրական փառատոնին: Այս մասին պատմող նյութն այստեղ:
Գրքի ստեղծման, զարգացման պատմությունն ուսումնասիրելու նպատակով եղանք Մատենադարանում և գործնական աշխատանքների միջոցով իմացանք, թե ինչպես են հնում պատրաստել մագաղաթներ, ծաղկեցրել, գրել մագաղաթների վրա, ինչպիսի ներկեր են օգտագործել: Այս մասին պատմող նյութն այստեղ:
Մարզական ստուգատեսին մասնակցելու նպատակով այցելեցինք Իրինա Ռոդնինա սահադաշտ:

Ճամփորդական նախագիծ

Ձմեռային մարզական ստուգատես